PREZİDENTDƏN MƏMURLARA SON XƏBƏRDARLIQ! HANSI PROBLEMLƏRİ ÖZLƏRİ HƏLL EDƏ BİLMİRLƏRSƏ...

"Yerli icra orqanları vətəndaşlara daim diqqət və qayğı göstərməlidirlər. Yaddan çıxarmamalıdırlar ki, onlar vətəndaşlar üçün çalışırlar, yaddan çıxarmamalıdırlar ki, onlar vətəndaşlara xidmət edirlər”.

RESPUBLİKAXƏBƏR.AZ-ın məlumatına görə, bunu Prezident İlham Əliyev "Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının yekunlarına həsr olunan konfransda yekun nitqində deyib.


Dövlət başçısı bildirib: "Bütün dövlət məmurları - Prezidentdən başlayaraq lap aşağı səviyyəli məmura qədər hər kəs bilməlidir ki, bizim əsas vəzifəmiz xalqa xidmət etməkdir. Yerli icra orqanları diqqətli olmalıdırlar, problemləri həll etməlidirlər. Hansı problemləri özləri həll edə bilmirlərsə, mərkəzi icra orqanlarına, Prezident Administrasiyasına məlumat verməlidirlər ki, biz problemləri operativ qaydada həll edək. Biz problemləri həll edə bilərik və əlbəttə ki, buraxılan nöqsanlar tamamilə aradan qaldırılmalıdır”. Bildiyiniz kimi bunu cənab Prezident İlham Əliyev deyib. Lakin bu dəqiqə bəzi rayon İcra Hakimiyyətlərində həlli mümkün olan məsələlər də olsa, onu həll etmirlər. Vətəndaş da şikayət edən kimi ona polis, prokuror və məhkəmə hədə qorxuları ilə təzyiq göstərirlər. Buna misal olaraq göstərməyə şikayətçilər də var. Amma cənab prezidentimizin xəbərdarlığına şərik olaraq, biz də media olaraq, rayon rəhbərlərindən xahiş edirik. Vətəndaşların problemii olanda, onu süründürməçiliyə salmayaraq, onlara kömək etsinlər.
Elyaz Gülüyev: Təsisçi və baş direktor.

SƏNƏM ƏLİYEVA
RESPUBLİKAXƏBƏR.AZ