Balaca Aylinimizin özü kiçik və dərdi isə böyükdür - VİDEO

Respublikaxəbər.az-a yeni ildə ilk daxil olan məlumat Süleymanovlar ailəsindən oldu. Redaksiyamıza yeni ildə ilk müraciət edən şəxs Şamaxı rayon, sakini Xalidə Süleymanovadır.

2017-ci ildə həmkəndlisi Ağasahil Süleymanovla ailə həyatı quran, Xalidə xanımın gözünün ağı qarası bir övladı olub, O da fiziki qüsurlu. Bakı şəhəri, Suraxanı rayonu, Yeni Günəşli qəsəbəsində yataqxana 11, bina 157 ev 524 ünvanda yaşayan Süleymanovlar ailəsi müraciətlərinin ölkə rəhbərinə çatdırılması ilə bağlı Mediaya üz tutub. Redaksiyaya daxil olan müraciətə əsasən təsisçi və baş direktor Elyaz Gülüyev onların yaşadığı evə gedərək, müraciətdə qeyd olunanların həqiqətə uyğun olub-olmamasını müəyyən edib. Məlum olub ki, vəziyyət müraciətdə qeyd olunanlardan daha ağırdır. Elyaz Gülüyev Süleymanovlar ailəsinin yaşam tərzləri ilə tanış olub, onları yaxından dinləyib. Əməkdaşımıza müsahibə verən Aylin Süleymanlının Nənəsi Afət Süleymanova Afət və babası Mais Suleymanov bildiriblər ki, onların həyatda ən böyük arzuları övladlarını evləndirdikdən sonra günlərini nəvələri ilə oynamaqla keçirmək olub. Lakin gördüyünüz kimi bu körpə, (valideynlərinin) baba-və nənəsinin üzlərini güldürə bilmir. Buna səbəb də Aylin balanın nənəsi Afət Süleymanovanın dediyinə görə uşağın dünyaya gəlişi (doğuş) zamanı həkimin səhlənkarlığı olub. İndi artıq körpənin 2 yaşı olmasına baxmayaraq bu günə qədər Aylinin qrup növü alaraq əlilliyə çıxarılması ilə bağlı Süleymanovlar ailəsinin müraciət etmədiyi qurum və xəstəxana, və həkim qalmayıb. Heç bir nəticə əldə edə bilməyiblər. Burada keçmişi yada salaq. Əziz İzləyicilər! keçmişdə bir oyun növü var idi, Nədir o oyun? «ötür-ötür» oyunu.

Bəli, keçmişdə, indiki dillə desək, çox «populyar» uşaq oyunlarından biri də «ötür-ötür» oyunu idi. Bunu əsasən kəndin və məhəllənin dəcəl uşaqları oynayırdılar. Onlar dövrə vurar, sözbir edib, əfəl bir uşağın başından papağını qapar, papağının dalınca dövrəyə girən uşağa papağı verməz, onu - yəni papağı başqa dəcəl dostuna atardı. Əfəl həmin kəsin üstünə qaçanda, o da papağı üçüncü dostuna atardı… Beləliklə, papaq göydə, əfəl uşaq da yerdə yoruluncaya qədər dövrə vurardılar…
İndi ömrünün yaşlı çağlarında Azərbaycanın Xəstəxanaları (həkimləri) və.s idarə və müəssisələr Nənə və Mais babanı qoyublar həmin əfəl uşağın yerinə.
Daha ətraflı videoçəkiliş vasitəsi ilə müsahibə verən Aylin balamızın nənəsindən və Babasından eşidək.
Təqdim etdiyimiz videomuzu izləyərək, bəyənib, kanalımıza abunə olmağı unutmamağınızı Sizdən xahiş edirik.



Əlavə olaraq rastlaşdığınız hər hansı bir neqativ və ya müsbət hal olarsa, redaksiyamıza müraciət edə bilərsiniz. Qaynarxətt: 051 831 01 01

Sənəm Əliyeva