“Vətən yaxşıdır” oxuyub məşhurlaşdı, şəhid olub ürəyimizi dağladı - VİDEO

“Şair, sorma Vətən nədən yaxşıdır?” dedi şəhid Xudayar. Elə bil bu mahnının sözlərilə dastana çevriləcəyini bilirdi. Vətən uğrunda mübarizə apararkən tək arzusu, istəyi doğma Vətən torpaqlarının yağı düşməndən azad olmasını görmək olub.

“Report”un əməkdaşları Bərdə rayonunda Vətən müharibəsində şəhid olan Dövlət Sərhəd Xidmətinin giziri Xudayar Yusifzadənin yaşadığı evə baş çəkib, ailə üzvlərilə həmsöhbət olublar.

İyul hadisələri başlayandan sonra xidmət etdiyi Dövlət Sərhəd Xidmətindən könüllü ərizə yazaraq cəbhə xəttinə göndərilmək istəyini bildirib. Müharibə başlayandan sonra evlə telefon əlaqəsi saxlayan Xudayar babasına və dayısına məcburi köçkün vəsiqələrini atmalarını tövsiyə edib. Deyib ki, siz daha məcburi köçkün deyilsiniz:

“İnşallah, Ağdamda görüşərik”.






Sənəm Əliyeva