“Rahat” supermarketlər şəbəkəsindən ordumuza növbəti dəstək

“Rahat” supermarketlər şəbəkəsi Silahlı Qüvvələrə növbəti dəstəyini nümayiş etdirib.

Belə ki, supermarketlər şəbəkəsi işğal altında olan ərazilərin azadlığı uğrunda döyüşən əsgərlərə isti geyimlər, gigiyenik vasitələr, şirniyyat və digər qida məhsulları göndərib. Əsgər sovqatı isə min nəfəri əhatə edib.

Hər zaman ordumuzun yanında olan “Rahat” supermarketlər şəbəkəsi bundan əvvəl də orduya 2 min nəfərlik əsgər sovqatı göndərib, Silahlı Qüvvələrə Yardım Fonduna 100 min manat vəsait köçürüb.

Bununla yanaşı, şəbəkə rəhbərliyi cəbhəyə yollanan əməkdaşlarının ailələrini ziyarət edir, onların qayğıları ilə maraqlanır və dəstək göstərir. Ailələrə rahatlıq gətirən “Rahat market” tarixi dəyişən igidlərimizlə qürur duyur, onlara bol nailiyyətlər arzu edir.




Sənəm Əliyeva