Gəncədə baş verənlər insanlıq əleyhinə cinayətdir - Aviqdor Liberman

İsrailin sabiq Müdafiə və Xarici İşlər naziri Aviqdor Liberman Gəncə şəhərinin raket atəşinə tutulması nəticəsində ölkə vətəndaşlarının həlak olması ilə əlaqədar Azərbaycan xalqını dəstəklədiyini bildirən audiomüraciət yazdırıb.

Teleqraf.com-a istinadən, Respublikaxəbər.az xəbər verir ki, audiomüraciətdə deyilir: “Münaqişə zonasına daxil olmayan regionların atəşə tutulması beynəlxalq hüququn birbaşa pozulmasıdır. Dinc sakinlərin – yaşlıların və uşaqların qətlə yetirilməsi insanlıq əleyhinə cinayətdir. Bu, Cenevrə Konvensiyasından başlayaraq, bütün beynəlxalq hüquqi normalara ziddir. Sizin xalqınız üçün bu mürəkkəb anlarda mən, ilk növbədə, qətlə yetirilənlərin bütün doğmalarına və yaxınlarına başsağlığı vermək və əlbəttə, bütün Azərbaycan xalqını dəstəklədiyimi bildirmək istəyirəm. Çox ümid edirəm ki, bu münaqişənin növbəti dəfə alovlanması ən qısa müddətdə başa çatacaq və buna görə cavabdeh olanların hamısı layiqli cəzalarını alacaqlar”.










Sənəm Əliyeva