“SpaceX” “Starlink” peyklərinin buraxılışını starta 18 saniyə qalmış təxirə salıb

“SpaceX” şirkəti “Starlink” peyklər qrupunu daşıyan “Falcon 9” raketinin buraxılışını starta 18 saniyə qalmış təxirə salıb.

XeberOxu.Az-a istinadən, Respublikaxcəbər.az-ın məlumatına görə, buna qurğulardan birində qeydə alınan qüsur səbəb olub.

Mütəxəssislər bildirib ki, uçuşa az qalmış qurğunun sensorları düzgün işləməyib.

Qeyd edək ki, “Falcon 9”un uçuşu ötən həftə əlverişsiz hava şəraiti ilə əlaqədar təxirə salınmışdı.

Bu, “Starlink” qrupunun 13-cü uçuşu olmalı idi. Hazırda Yerin fəzasında 700-dən çox “Starlink” peykləri fəaliyyət göstərir.



Sənəm Əliyeva