BAKUBUSUN SÜRÜCÜSÜ JURNALİSTİ TƏHQİR VƏ ARXASIYCA TƏHDİD ETDİ.

Respublikaxəbər.az saytı xəbər verir ki, dünən 24 sentyabr 2020-ci il tarixdə 3 saylı Bakubus MMC-yə məxsus sərnişindaşıyıcı avtobusun sürücüsü Jurnalist Elyaz Gülüyevi təhqir və təhdid edib.
Belə ki, Respublikaxəbər.az saytının təsisçi və baş direktoru Elyaz Gülüyev bildirib ki, O, 24 sentyabr 2020-ci il tarixdə təxminən saat 18:50 radələrində Elmlər Metro-stansiyasının yanındakı avtobus dayanacağından 99 JU 254 DQN-nişanlı, 3 saylı avtobusa minərək evinə gedən zaman həmin sürücünün tibbi maskadan düzgün istifadə etmədiyini görüb, ona iradını bildirib. Bundan sonra həmin sürücü özünün ehtiyyatda olan polkovnik-leytenant olduğunu bildirmiş,daha sonra özünü müdafiə etmək məqsədi ilə sükanı buraxaraq onun üzərinə gələrək Elyaz Gülüyevi təhdid etmişdir. Elyaz Gülüyev sürücünün aqressiv olduğunu və bəzi qanuna hörmətsizlik edən sərnişinlərin sürücünün etdiyi hərəkətin doğru olduğunu deyərək onu müdafiə etdiklərini gördükdə Elyaz Gülüyev özünün həqiqəti deməyinə baxmayaraq müdafiəçisi olmadığını görərərək susmağa daha üstünlük verib və yalnız sabah Sizinlə qanun qarşısında görüşəcəyik deyərək sonuncu dəfə Türkiyə səfirliyinin yaxınlığındakı avtobus dayanacağında həmin avtobusdan düşmüşdür. Elyaz Gülüyev həmin sürücünün bu cür kobud,qanunsuz hərəkətlərinə görə DİN-nin 102 saylı qaynarxətt xidmətinə məlumat vermişdir. Hazırda Jurnalistin 102 saylı qaynarxətt xidmətinə verdiyi məlumat əsasında Yasamal RPİ-nin 27-ci PB-də araşdırma aparılır. Nəticəsi barədə izləyicilərimizə məlumat veriləcəkdir.

Onu da qeyd edək ki, Elyaz Gülüyev həmin sürücünün vəzifəsindən uzaqlaşdırılması üçün BNA-nin rəhbərliyinə və Bakubus MMC-nin sədrinə rəsmi məktub hazırlayır. Elyaz Gülüyev həmin sürücünün vəzifədən uzaqlaşması barədə xahiş məktubunu belə əsaslandırır ki, həmin sürücünün əsəbləri yerində deyil, O, Elyaz Gülüyevin səbri sayəsində məsələnin münaqişəsiz qurtardığını və başqa bir səbrsiz insan olsaydı, həmin sürücünün qanunsuzluğa yol verməsi nəticəsində münaqişə ilə də nəticələnə biləcəyini deyib.
Qarşı tərəfi dinləməyə hazırıq.
Sənəm Əliyeva Respublikaxəbər.az