Nəsimi Rayon İcra Hakimiyyətinin başçısı A.Mustafayev küçəsi 10, 12 ünvanlarında yaşayan sakinlərlə görüşmüşdür.

Respublikaxəbər.az xəbər verir ki, Nəsimi rayon İcra Hakimiyyətinin başçısı Asif Əsgərov A.Mustafayev küçəsi 10, 12 ünvanlarında aparılan abadlıq-quruculuq işlərinin gedişi ilə tanış olmuş, sakinləri narahat edən məsələlərlə maraqlanmış, onların müraciətlərini dinləmişdir.

Görüş zamanı bildirilmişdir ki, Bakı şəhərində aparılan genişmiqyaslı abadlıq-quruculuq işləri çərçivəsində Nəsimi rayonu ərazisində də küçə və parkların, məhəllə və binaların abadlaşdırılması işləri uğurla həyata keçirilir.

Görüşdə sakinlərin qaldırdıqları məsələlərin həlli ilə bağlı rayon İcra Hakimiyyəti Başçısı Aparatının, Mənzil-Kommunal Təsərrüfatı Birliyinin, kommunal xidmət sahələrinin məsul şəxslərinə müvafiq tapşırıqlar verilmiş, qaldırılan məsələlər həll olunmuşdur.





Sənəm Əliyeva