Bakıda iki nəfər bıçaqlanıb

Bakının Xəzər rayonunda bıçaqlanma hadisəsi baş verib.

APA-ya istinadən, Respublikaxəbər.az xəbər verir ki, hadisə Südçülük sovxozu ərazisində qeydə alınıb.

2003-cü il təvəllüdlü Nurəliyev Mirəmin Zaur oğlu mübahisə zamanı bıçaqlanıb. Yaralı sağrı nahiyəsinin kəsilmiş-deşilmiş xəsarətləri ilə xəstəxanaya yerləşdirilib.

Digər bir hadisə isə Sabunçu rayonu, Pirşağı qəsəbəsində baş verib. 1970-ci il təvəllüdlü Qurbanov Hafiz Xasay oğlu isə tanışı tərəfindən qarnından bıçaq xəsarətləri alıb. Yaralı qarnının ön divarının çoxsaylı kəsilmiş-deşilmiş xəsarətləri ilə xəstəxanaya yerləşdirilib.

Faktla bağlı araşdırmalar aparılır.


Sənəm Əliyeva