ŞAMAXI ŞƏHƏRİ İCRA HAKİMİYYƏTİNİN BİNASI QARŞISINDA XULİQANLIQ VİDEO

Respublikaxəbər.az-ın verdiyi məlumata görə 9 avqust 2020-ci il axşam saatlarında Şamaxı şəhər sakini həmyerlisinə qəfildən bir yumuruq zərbəsi endirib.
Belə ki, 13 avqust 2020-ci il tarixdə redaksiyamıza müraciət edən Şamaxı şəhər sakini Həsənov Toğrul Elman oğlu ərizəsində bildirib ki, O, 2019-cu il tarixində həmin onu döyən şəxs Bəyalıyev Babək Fazil oğlu ilə birlikdə Bakı şəhəri, Novxanı qəsəbəsində "Aqua Park "AF" hoteldə işləyiblər. Həmin vaxt Toğrul Babəkdən 200 manat borc pul alıb. Lakin hələ də müəyyən səbəblərdən onu qaytarmayıb. Yuxarıda qeyd olunan tarixdə yəni, 9 avqust 2020-ci il tarixdə Toğrul axşam təxminən saat 19 radələrində Şamaxı şəhər İcra Hakimiyyətinin İnzibati binasının qarşısı ilə yaşadıqları evə gələrkən onu arxadan bir nəfər səsləyir. Toğrul arxaya baxdığı zaman həmin şəxsin Babək olduğunu görür və dayanır. Babək Toğrula yaxınlaşır, öpüşərək görüşürlər. Təxminəm video materialdan da göründüyü kimi bir-neçə addım yan-yana gəldikdən sonra Babək sağ əlinin yumuruğu ilə Toğrulun üz nayihəsinə bir yumuruq zərbəsi endirir. Toğrul almış olduğu zərbə nəticəsində yerə yıxılır və huşunu itirir. Bir müddət sonra Toğrul özünün evlərində olduğunu və üst-başı qan içərisində olduğunun şahidi olur. Toğrulun anası yaranmış vəziyyətlə bağlı dərhal DİN-nin 102 xidmətinə zəng edərək məlumat verib. Hazırda Şamaxı Rayon Polis şöbəsinin Təhqiqat bölməsində araşdırma aparılır. Onu da qeyd edək ki, redaksiyamıza müraciət edən şəxs aparılan araşdırmanın gedişatından narazılıq edir. Toğrulun şikayəti ilə bağlı araşdırmanı aparan təhqiqatçı ilə telefon əlaqəsi yaratdıq, Təhqiqatçı isə qanunu şəkildə araşdırma apardığını və təhqiqat müddətində qarşı tərəfə rəsmi olaraq cavab veriləcəyini bildirdi.

Hazırda faktla bağlı Şamaxı Rayon Polis Şöbəsinin Təhqiqat bölməsində araşdırma davam etdirilir.
Qarşı tərəfi dinləməyə hazırıq.

Sənəm Əliyeva. Respublikaxəbər.az