JURNALİSTDƏN SƏMİM ETİRAF

Respublikaxəbər.az-ın verdiyi məlumata görə Qaradağ rayonu ərazisində yerləşən "Meyvəli Bazar" adlı Ticarət Mərkəzində qanunsuzluqlar baş verməsi ilə bağlı məqalə tərəfimizdən ictimailəşdirilmişdir. Məqalədə "Meyvəli Bazar"da sanitariya qaydalarının pozulması və digər qanunsuzluqların olması qeyd olunmuşdur. Lakin sonra tərəfimdən aparılmış jurnalist araşdırması zamanı məlum olmuşdur ki, verilmiş və tərəfimizdən ictimailəşdirilmiş məlumatlar tamamilə yanlışdır və öz təsdiqini tapmamışdır. Belə ki, mən özüm saytın rəhbəri olaraq həmin ünvanda yəni, "Meyvəli Bazar" da araşdırma apardım, lakin tərəfimdən heç bir anti-sanitariya aşkar olunmadı. Bazarda sanitariya qaydalarına və satılan məhsulların təmizliyinə xüsusi diqqət yetirilir, satıcılar, alıcılar və bazarda olan digər şəxslərin qanunların tələbinə əməl etmələri tam təmin olunur. Mənim orada olduğum müddətdə hazırda ölkəmizdə olan xüsusi karantin rejiminin tələblərinin tam təmin olunduğunun şahid oldum.
Odur ki, izləyicilərimizdən bu cür yoxlanılmamış məlumatları ictimailəşdirdiyimiz, həmçinin "Meyvəli Bazar"-da işləyən hər bir şəxsdən və onun rəhbərliyindən, onlar barəsində bu cür həqiqətə uyğun olmayan məlumatlar yaydığımız üçün şəxsən üzr istəyirəm.