Bakıda qardaşını bıçaqlayıb öldürən şəxs tutuldu

Avqustun 8-i saat 9 radələrində Bakının Suraxanı rayonunda Səfa Eynullayevin bıçaqlayaraq, öldürməkdə şübhəli bilinən qardaşı Elvin Eynullayev saxlanılıb.

Bununla bağlı Suraxanı rayon prokurorluğu məlumat yayıb.

Bildiirlib ki, hadisənin E.Eynullayev tərəfindən şəxsi münasibətlər zəminində aralarında yaranmış münaqişə zamanı törədilməsinə əsaslı şübhələr müəyyən edilib.

Faktla bağlı Suraxanı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Hazırda iş üzrə zəruri istintaq tədbirləri həyata keçirilir.




Sənəm Əliyeva