Panidemiyaya qarşı görülmüş bütün tədbirlər müsbət nəticə verir

Pandemiyaya qarşı mübarizənin müsbət nəticələrini artıq görmək üzrəyik. İyulun 16-dan bu günə bu müsbət dinamika deməyə əsas verir ki, görülmüş bütün tədbirlər müsbət nəticə verir. Pandemiyanın ilk günündən bu günə qədər yoluxanların sayı sağalanların sayından xeyli aşağıdır. İlk günlərdən, bu xəstəlik meydana çıxandan dərhal sonra bütün lazımi qabaqlayıcı tədbirlər görüldü. Və bu gün nəticə budur ki, biz bu vəziyyətdən az itkilərlə çıxırıq. Bu vəziyyətdə həkimlərimizin zəhməti danılmazdır. Məhz həkimlərimizin yorulmaz fəaliyyəti nəticəsində Azərbaycanda bu xəstəlikdən ölənlərin sayı aşağı səviyyədədir.
Ölkəmizdə çox böyük sosial layihələr həyata keçirilir. 2020-ci ildə bu layihələrin həcmi rekord həddə çatıb. Bu il rekord sayda məcburi köçkün ailəsi evlərlə, mənzillərlə təmin olunacaq.
Prezident İlham Əliyev və birinci xanım Mehriban Əliyeva 2020-ci il iyulun 21-də Bakının Xətai rayonunda şəhid ailələrinə,müharibə əlillərinə mənzillərin və avtomobillərin verilməsi tədbirində iştirak etmişlər.
Pandemiya dövrü olmasına baxmayaraq, bütün sosial proqramlar kimi, bu proqram da genişləndirilir.
İyul ayında sərt karantin rejimi tətbiq edilən 16 şəhər və rayon (Bakı, Cəlilabad, Gəncə, Lənkəran, Masallı, Sumqayıt, Yevlax, Abşeron, Goranboy, Göygöl, Mingəçevir, Bərdə, Xaçmaz, Samux, Siyəzən, Şəki) üzrə 290 min şəxsə 55 milyon manat vəsait sərf olunub.
Hazırda Azərbaycanın 13 şəhər və rayonunda sərt karantin rejimi tətbiq edilir. Həmin rayonların bu kateqoriyaya aid insanları bu dəstəklə bundan sonra da əhatə olunmalıdır. Avqust ayında da onlara 190 manat ödəniləcək.
Koronavirusla bağlı mübarizədə addımlarımızı vəziyyətə uyğun şəkildə atacağıq. Biz hamımız başa düşürük ki, insanlar yorulub.Karantin rejimi hamımızı yorur. Bütün rəhbərlik demək olar ki, fasiləsiz olaraq 24 saat iş başındadır.
Müsbət dinamika karantin rejiminin yumşalmasına gətirib çıxarır. Ancaq burada da ciddi nəzarət mexanizmi olmalıdır. Sosial məsafə təmin olunmalıdır.bu xəstəlik yoxa çıxmayıb. Ona görə xəstəliyə qarşı mübarizə aparılır. Ona görə bu məsələyə çox ciddi nəzarət olunmalıdır. İkinci dalğa o halda ola bilər ki, xəstəlik yoxa çıxsın və ondan sonra hansısa yeni bir yoluxma mənbəyi üzə çıxsın. Bizim bu xəstəliklə bağlı əsas məqsədimiz insanların sağlamlığıdır.
Bu dünya üçün çox ciddi problemdir, bu gün dünyanın bir nömrəli bəlasıdır. Ona görə də hamı məsuliyyətli olmalıdır. Əgər belə olsa, qısa müddət ərzində bu karantin rejimini daha da yumşaldıb normal həyata daha tez qayıtmaq mümkün ola bilər.





Nəsimi rayon sakini
Elvin Rəhimov