Bakıda iki sərnişin avtobusu toqquşdu

Bakıda iki sərnişin avtobusu toqquşub.

Bununla bağlı Fövqəladə Hallar Nazirliyinə istinadən Respublikaxəbər.az məlumat yayıb.
Bildirilib ki, Bakı şəhərinin Nərimanov rayonunda “İveco” markalı iki sərnişin avtobusu toqquşub.

Hadisə yerinə cəlb olunan Xüsusi Riskli Xilasetmə Xidmətinin müvafiq xilasetmə qüvvələri avtobuslardan birində sıxılı vəziyyətdə qalan sürücünü deformasiyaya uğramış nəqliyyat vasitəsindən çıxarıb və aidiyyəti üzrə təhvil veriblər.




Sənəm Əliyevə