Məktəbli ləvazimatlarının qiymətində artım gözlənilir

Tədris ilinin başlamasına bir aydan da az müddət qalıb. Artıq valideynlər məktəb bazarlığı barədə düşünürlər və narahatlıqlar başlayır. Çünki məktəblinin məktəb bazarlığı əhəmiyyətli bir məbləğdir və valideynlər bunun üçün bir neçə ay hazırlaşmalı olurlar.

Bu səbəbdən yeni dərs ili yaxınlaşdıqca valideynlərin həyəcanı artır. Məktəbə gedəcək uşağın geyimi, çantası, iş dəftərləri və digər məktəb ləvazimatlarını almaq üçün nə qədər pul tələb olunduğunu düşünən valideynlər dükan-dükan gəzib harada qiymətlərin nisbətən aşağı olduğunu öyrənməyə çalışırlar.

Bahalaşma yalnız alıcılara deyil, satıcılara da təsirsiz ötüşməyib.