Qurban bayramında kəsilən malların dəriləri Avropaya ixrac ediləcək

"Qurban bayramı günlərində kəsilən malların dəriləri Avropa bazarlarına ixrac ediləcək".

"Respublikaxəbər.az" xəbər verir ki, bunu Qurban bayramı ilə bağlı görülən işlərə dair brifinqdə Azərbaycan Qida Təhlükəsizliyi Agentliyinin Aparat rəhbəri Elxan Mikayılov deyib.

Ətraflı
Onun sözlərinə görə, sahibkarlar həmin heyvan dərilərini toplayıb baytarlıq ekspertizasından keçirməklə ixrac edə bilərlər.

"AQTA ilə Avropa İttifaqının müvafiq qurumu arasında aparılan uzunmüddətli danışıqlar, rəsmi yazışmalar nəticəsində Azərbaycandan heyvan dərisinin Aİ-yə ixracına icazə verilib. Bu cür ixrac etmək istəyən şirkətlər varsa, əvvəlcədən AQTA-ya müraciət etsinlər, dövlət qeydiyyatına düşsünlər. Biz bu haqda Avropa İttifaqının səlahiyyətli qurumuna müvafiq məlumatları göndərəcəyik",- deyə Elxan Mıkayılov qeyd edib.

Respublikaxəbər.az