Müharibə veteranlarının məzuniyyət vaxtlarında fərqin yaranması hallarına aydınlıq gətirilib

Dövlət Əmək Müfəttişliyi Xidməti Birinci Qarabağ müharibəsi veteranlarında məzuniyyətin 46 gün göstərildiyi halda İkinci Qarabağ müharibəsi veteranlarında belə olmamasının səbəblərinə aydınlıq gətirib.

Respublikaxəbər.az xəbər verir ki, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin Əmək müqavilələri bildirişlərinin qeydiyyatına nəzarət şöbəsinin müdir müavini Aynurə Tağıyeva bildirib ki, Zəfər altsistemi ilə bağlı sistemə inteqrasiya mövcuddur.

Ətraflı
“Əslində İkinci Qarabağ müharibəsi veteranlarında da məzuniyyət 46 gündür. Bunun sistemdə göstərilməməsi Zəfər altsistemində həmin şəxs barədə məlumatların mövcud olmaması ilə bağlı ola bilər. Bu artıq dəqiqləşdirilməli məlumatdır. Zəfər altsistemindəki məlumatlar ƏMAS-a da inteqrasiya olunur”, - Aynurə Tağıyeva deyib.

Respublikaxəbər.az