Bakının mərkəzində tarixi binada tikilən mansard sökülür – FOTO

Bakı şəhəri Yasamal rayonu İslam Səfərli küçəsi 12 ünvanında 1880-ci ildə inşa edilmiş tarixi memarlıq abidəsi olan binanın dam örtüyündə əlavə mansardın tikilməsi müəyyən edilib.

Respulikaxəbər.az-ın məlumatına görə bu barədə Bakı Şəhər İcra Hakimiyyətindən “Qafqazinfo”ya bildirilib.

Məlumata görə, binanın sahibkarı tərəfindən tarixi abidədə mansardın tikilməsi struktur idarələr tərəfindən nəzarətə götürülüb və tikintinin qarşısı alınıb:

“Qanunsuz tikinti ilə bağlı sahibkara xəbərdarlıq edilib və tarixi binanın üzərində hər hansı tikintinin aparılmasının yolverilməz olduğu bildirilib. Artıq binanın damında inşa edilmiş konstruksiyaların sökülməsinə qərar verilib və söküntü işlərinə başlanılıb. Ərazi aidiyyəti qurumlar tərəfindən tam nəzarətə götürülüb”.




Respublikaxəbər.az