Spiker bəzi vətəndaşları tənqid etdi

“Son zamanlar koronavirusa yoluxanların sayında artım müşahidə edilir”.

Oxu.Az-a istinadən Respublikaxəbər.az-ın xəbərinə görə, bunu Milli Məclisin sədri Sahibə Qafarova parlamentin plenar iclasında İnzibati Xətalar Məcəlləsinin 211-ci maddəsinə təklif olunan dəyişikliyin müzakirəsi zamanı deyib.

Onun sözlərinə görə, koronavirusa yoluxma dinamikasında artımın səbəbləri bəzi vətəndaşların sanitariya və epidemiya əleyhinə rejimə riayət etməməsidir.

“Bu qaydalara bir sıra hallarda etinadsızlıq da göstərilib. Bununla əlaqədar Milli Məclisin Hüquq siyasəti və dövlət quruculuğu komitəsi qanun layihəsi hazırlayıb”.

Qeyd edək ki, İnzibati Xətalar Məcəlləsinə təklif olunan dəyişikliyə əsasən, epidemiya əleyhinə rejimi pozanlara qarşı cərimələr iki dəfə artırılır.


Sənəm Əliyeva