Bakıda seyfdən pul oğurladılar

Bakının Suraxanı rayonunun Zığ qəsəbəsində oğurluq hadisəsi törədilib.

Bu barədə Respublikaxəbər.az-a hüquq-mühafizə orqanlarından məlumat verilib.

Naməlum şəxslər qapı kilidini açaraq, 1941-ci il təvəllüdlü Vaqif Hüseynovun evinə daxil olublar, seyfdən 1 500 manat və 2 100 ABŞ dolları həcmində pul oğurlayıblar. Faktla bağlı heç kim tutulmayıb.

30-cu Polis Bölməsinin əməkdaşları bu istiqamətdə zəruri tədbirləri həyata keçirirlər.

Qeyd edək ki, iyunun 14-də Yasamal rayonunda naməlum şəxslər Mustafa Sübhi küçəsində yerləşən avtoservisdəki seyfi doğrayaraq, oradan 1 600 manat pul oğurlayıblar. Bu cinayətin də üstü hələlik açılmayıb.


Sənəm Əliyeva