Maştağada qonşusunu bıçaqlayan şəxsin evindən külli miqdarda narkotik aşkarlanıb

Maştağada qonşusunu bıçaqlayan şəxsin evindən külli miqdarda narkotik aşkarlanıb.

Daxili İşlər Nazirliyinin mətbuat xidmətindən Respublikaxəbər.az-a verilən məlumata görə, iyunun 22-də Sabunçu rayonunun Maştağa qəsəbəsi ərazisində qəsəbə sakini, əvvəllər məhkum olunmuş V.Muradov xuliqanlıq zəminində qonşusu K.Məşədiyevin əl nahiyəsinə bıçaqla xəsarət yetirib.

Sabunçu RPİ 14-cü PB əməkdaşlarının keçirdikləri əməliyyat tədbirləri nəticəsində V.Muradov saxlanılıb. Ona məxsus həyətyanı sahədən kultivasiya yolu ilə yetişdirilmiş 5 ədəd çətənə kolu, evindən isə 117,64 qram marixuana və 19,849 qram çətənə toxumu aşkar edilib götürülüb.

Faktla bağlı araşdırma aparılır.


Sənəm Əliyeva