Rusiyada Azərbaycan vətəndaşını qətlə yetirən şəxs saxlanılıb

Bir neçə gün öncə Rusiyanın Volqoqrad şəhərində azərbaycanlı tələbə Teymur Qavrilovu qətlə yetirmiş Vitali Vasilyev Smolensk şəhərində saxlanılıb.

Rusiya İstintaq Komitəsinin Volqoqrad vilayəti üzrə Təhqiqat İdarəsi bu barədə məlumat yayıb.

Bildirilir ki, 22 yaşlı Volqoqrad sakini federal axtarışa verilmişdi. Hazırda V.Vasilyevin Smolenskdən Volqoqrada gətirilməsi üçün tədbirlər görülür.

Xatırladaq ki, Volqoqrad Tibb Universitetinin birinci kurs tələbəsi, Gəncə şəhərindən olan 17 yaşlı Teymur Qavrilov iyunun 12-də axşam saatlarında yataqxanaya qayıdarkən qətlə yetirilib. Bildirilirdi ki, vilayətin qubernatoru Andrey Boçarov qatil barədə məlumat verən şəxsə bir milyon rubl məbləğində mükafat vəd edib.


Sənəm Əliyeva