Azərbaycanda viruslu hepatit xəstəliyindən ölənlərin sayı AÇIQLANDI

2019-cu ildə Azərbaycanda viruslu hepatit diaqnozu ilə 359 nəfər qeydə alınıb.

Onlardan 66 nəfəri kəskin A hepatiti, 156 nəfəri kəskin B hepatiti, 127 nəfəri isə kəskin C hepatiti olan xəstələr olub. Bildirilib ki, A hepatitli xəstələrdən 45-i kişi, 21-i qadın, B hepatitli xəstələrdən 115-i kişi, 41-i qadın, C hepatitli xəstələrdən 110-u kişi, 17-si qadındır.

Kəskin A hepatitlilərdən 24 nəfəri 18 yaşadək, 42 nəfəri 18 və yuxarı yaşda olan şəxslərdir. Kəskin B hepatitlilərdən 11 nəfəri 18 yaşadək, 145 nəfəri 18 və yuxarı yaşda olanlardır. Kəskin C hepatitlilərdən 1 nəfəri 18 yaşadək, 136 nəfəri 18 və yuxarı yaşlı şəxslərdir.

Qeyd olunub ki, ötən il A hepatitindən 1-i kişi, 3-ü qadın olmaqla 4 nəfər, B hepatitindən 8-i kişi, 3-ü qadın olmaqla 11 nəfər, C hepatitindən 21-i kişi, 11-i qadın olmaqla 32 nəfər ölüb.


Sənəm Əliyeva