Bakıda adam öldürən şəxs axtarışa verilib

Azərbaycanın hüquq-mühafizə orqanları adam öldürməkdə təqsirləndirilən şəxs barəsində axtarış elan edib.

APA-ya istinadən Respublikaxeber.az xəbər verir ki, bu barədə Bakı şəhər Baş Polis İdarəsinin saytında məlumat yerləşdirilib.

Məlumatda qeyd olunur ki, Şahvələdov Hikmət Ruza oğlu Bakıda adam öldürərək istintaqdan yayınıb. O, Cinayət Məcəlləsinin 120.1-ci (qəsdən adam öldürmə) maddəsi ilə təqsirli bilinir. H. Şahvələdov barəsində məhkəmənin qərarı ilə axtarış elan edilib.


Sənəm Əliyeva