"YAĞIŞI SEVMƏYƏN İNSANIN SƏMİMİYYƏTİNƏ ŞÜBHƏM VAR"-Aybəniz Abdulova

Yağış yağan zaman pəncərə önündə oturub, narın yağış damcısını seyr etmək məni valeh etdiyi kimi çoxlarını bir anlıq da olsa romantik sevgi düşüncələrinə qərq edir. Etiraf edim ki, hamı kimi məndə yağışı çox sevirəm. Bəzilərimizə yağış yağdığı zaman romantik sevgi hissləri yaşatdığı an, bəzilərimizə isə nifrət hisslərini bəxş edir.

Əlbəttə, yağan yağışla bağlı hər birimizin deyə biləcək tutarlı səbəbləri vardır. Araşdırmalarıma əsasən deyə bilərəm ki, palçığlı yolları, fasiləsiz yağaraq ətrafın gölməçələrə çevrilməsi diqqətimdən heç də yayınmamışdır.

Məhz, bu səbəbdən Bakı şəhərində narın sakit və bəzən isə fasiləsiz ildırımlı yağan yağışlar paytaxt sakinlərimiz tərəfindən birmənalı qarşılanmır.

Qeyd edim ki, yağış yağan zaman kimi isti evində, kimi isti iş yerində olduğu an, kimləri isə soyuq bir qarajda özünə sığınacaq etmək məcburiyyətindədir.

Çox təəssüf ki, bu gün Bakıda çoxsaylı belə kimsəsiz insanlar yaşayır. Belələri sığıncağlara məhkum olan saysız-hesabsız cavan-gənc, yaşlı-qoca, həmçinin körpə uşaqlardır ki, əl açıb Allaha yalvararaq yağan yağışın kəsilməsi dua etmiş olurlar…P.S

Xüsusi Müxbir Aybəniz Abdulova

“Arazxeber.az”