Daha bir ölkədə fövqəladə vəziyyət rejimi UZADILDI

Peru prezidenti Martin Viskarra yeni növ koronavirusun yayılması ilə əlaqədar fövqəladə vəziyyət rejiminin uzadılacağını elan edib.

Prezident bu barədə Facebook hesabında məlumat paylaşıb.

Dövlət başçısı deyib ki, fövqəladə vəziyyət rejimini 24 may tarixinə qədər, daha iki həftə uzatmaq lazımdır.

Siyasətçinin fikrincə, əvvəlki 54 günlük karantin nəticəsində infeksiyanın yayılmasında üç qat azalma əldə edilib.

Qeyd edək ki, Peruda ümumilikdə 61 847 yoluxma faktı və yeni növ koronavirusun səbəb olduğu xəstəlikdən 1 714 ölüm halı qeydə alınıb.