“Bu məmurlar elə həbsxanada da öləcəklər...” - Xeyrəddin Qoca

“Bizdə ölkəni çapıb-talayan adamların axırı molla olur. Bunlar həbsxanada namaz qılıb, şeir yazırlar ki, insanların bunlara yazığı gəlsin. Yəni səmimiyyətlərinə inanmıram”.

Respublikaxeber.az xəbər verir ki, bunu moderator.az-a açıqlamasında nasir Xeyrəddin Qoca deyib.

X.Qoca məmurların atdıqları müsbət addımların səmimiyyətinə inanmadığını bildirib:

“Savadsızlıq, cahillik baş alıb gedir. Bununla xalqı hara aparırlar?! Puldan ötrü hər yola əl atırlar. Bunlar dünyanın fani olduğunu heç də həbsxanada dərk filan etmirlər. Mənim kiməsə qarğış etmək, nəsə haqqında pis fikir söyləmək niyyətim yoxdur. Ancaq onu bilirəm ki, bunlar elə həbsxanada da öləcəklər. Bunların əksəriyyəti şəxsiyyətini itirmiş, xalqın başına oyun açmış adamlardır. Bu qədər eyblərinin hansı düzəlib ki?”.