Çingiz Abdullayev: "Allah eləməsin övladlarım yazıçı olsun" - VİDEO

Yazıçılar Birliyinin katibi, Xalq yazıçısı Çingiz Abdullayev qurum üzvlərinin sayının açıqlayıb.

O, bu barədə sabiq deputat, psixoloq üzrə fəlsəfə doktoru Gülər Əhmədovanın aparıcısı olduğu "Tet-a-tet" internet layihəsində danışıb.

Qeyd edək ki, Ç.Abdullayev veriliş ərzində bir sıra vacib məsələlərə, həmçinin Azərbaycan yazıçılarının populyarlıq qazana bilməməsinə toxunub:
"Bir dəfə məndən soruşdular ki, övladlarınızın yazıçı olmağını istərdiniz? Dedim ki, Allah göstərməsin. Çünki bu, faciəvi bir şeydiur. Min yazıçıdan biri uğurlu olur. Hamı uğurlu ola bilməz. Türkiyədə, Rusiyada milyon yazar var, amma cəmi 15-20 yazıçı uğurludur. Təbii ki, yazıçılıq istedadla da bağlıdır. Amma bu işin 99 faizi zəhmətdir".