Oğurluq edərkən kameraya düşən narkokuryerlər tutuldu

Bakının Binəqədi rayonunda mağazalardan oğurluqlar edən və onlayn yolla narkotik vasitələrin satışı ilə məşğul olan şəxslər saxlanılıblar.

Respublikaxeber.az xəbər verir ki, DİN Mətbuat xidmətindən KONKRET.az-a verilən məlumata görə, oğurluq edən şəxs hadisə vaxtı mağazanın kameraları vasitəsi ilə görüntülənib.

Naməlum şəxs mağazaya daxil olub kassada olan 1400 manatı oğurlayaraq hadisə yerindən yayınıb. Həmin şəxsin mağazaya daxil olması təhlükəsizlik kameraları vasitəsi ilə də görüntülənib.

Həmin hadisəni törətməkdə şübhəli bilinən əvvəllər də oğurluq etdiyi üçün məhkum olunmuş Nicat Şavahədli saxlanılıb. Həmin şəxs ifadəsində qeyd edilən hadisəni törətdiyini etiraf edib.

Onlayn yolla narkotik vasitələrin qanunsuz dövriyyəsini həyata keçirən Füzuli rayon sakini İlham Arzuman oğlu Əliyev də tutularaq istintaqa təqdim edilib. Onun üzərində şəxsi axtarış aparılan zaman külli miqdarda narkotik vasitə heroin aşkar edilib. Həmin şəxs ifadəsində heroini sosial şəbəkələrdə tanış olduğu xarici ölkə vətəndaşından satmaq məqsədi ilə aldığını bildirib.

Hər iki şəxs barəsində istintaq və əməliyyat tədbirləri davam etdirilir.