Kişi onunla cinsi əlaqədə olmaqdan imtina edən keçmiş arvadını öldürdü

Keçmiş həyat yoldaşını qətlə yetirməkdə təqsirli bilinən Xosrov Məmmədovun cinayət işi üzrə məhkəmə prosesi davam edir.
Ölkə.Az istinadən Respublikaxebere xəbər verir ki, Bakı Ağır Cinayətlər Məhkəməsində hakim Cavid Hüseynovun sədrliyi ilə keçiriləcək məhkəmə baxış iclası may ayının 10-na təyin olunub.

Qeyd edək ki, hadisə ötən il Suraxanı rayonu Qaraçuxur qəsəbəsində baş verib.

Xətai rayon sakini 1983-cü il təvəllüdlü Xosrov Elman oğlu Məmmədov küçənin ortasında keçmiş həyat yoldaşı, Qaraçuxur qəsəbəsində yaşayan 33 yaşlı Əfsanə Fəxrəddin qızı Məmmədovanı bıçaqla qətlə yetirib.

X.Məmmədov ərazidə xidmət aparan polis əməkdaşları tərəfindən saxlanılaraq rayon prokurorluğuna təhvil verilib.
İlkin dindirmə zamanı qətlin motivi məlum olub. Belə ki, Əfsanə Məmmədova ilə Xosrov Məmmədov bir müddətdir ki, boşanıblar, birgə nikahdan övladları da var. Ancaq boşansalar da, Xosrov Əfsanədən əl çəkməyib və zorla onunla cinsi əlaqədə olmaq istəyib.

Bununla bağlı qadın polisə şikaət edib. Xosrov isə bu şikayətdən əsəbləşərək, keçmiş arvadını öldürmək qərarına gəlib və cibinə bıçaq qoyaraq niyyətini həyata keçirib.

Faktla bağlı Suraxanı rayon Prokurorluğunda cinayət məcəlləsinin qəsdən adam öldürmə maddəsi ilə cinayət işi başlanıb.