CAVADIN İNTİHAR ETMƏSİNƏ SƏBƏB KİMDİR? SƏBƏBKAR GİZLƏDİLİB?

Respublikaxəbər.az, xəbər verir ki, bu ilin may ayının 23-də "Örüş-otlaq" sahəsində özünü ağacdan asmaqla intihar edən Şəhmirov Cavad İsa oğlunun valideynləri, oğlunun özünü intihar etməsi hadisəsi ilə bağlı aparılan istintaq araşdırmasından narazıdırlar.
Belə ki, redaksiyamıza ərizə ilə müraciət edən Şəki rayon, Öryət kənd sakini (intihar edən Cavad Şəhmirovun anası) Şəhmirova Hicran Novruz qızı, müraciətində oğlunun intihar etməsi barədə aparılan araşdırmanın qeyri-obyektiv, qanunsuz və qərəzlilik olduğunu bildirir.
Müraciət müəllifi bildirir ki, oğlu Cavadın intihar etməsinə səbəb, qonşusu Nazimət, Nazimətin qızı Nərmin və Nərminin dayısı Elşən adlı şəxs olub.
Əlavə olaraq bildirib ki, həmin məsələ ilə bağlı istintaq araşdırması aparılarkən intihara səbəb olan şəxslər müxtəlif don geyindirilməklə məsuliyyətdən uzaqlaşdırılırlar.
Bu barədə vətəndaşın ərizəsi ilə bərabər tərəfimizdən Hüquq-Mühafizə orqanlarına rəsmi məlumat məktubu ünvanlanmaqla işə hüquqi qiymət verilməsi barədə xahiş olunacaqdır.

Daha ətraflı məlumat məktubumuza verilən cavabdan sonra Siz dəyərli izləyicilərə məlumat verəcəyik.

Respublikaxəbər.az