DƏHŞƏTLİ HADİSƏ!! Azərbaycanda ata qızını qətlə yetirdi - YENİLƏNİB

Martın 6-sı saat 20 radələrində 1989-cu il təvəllüdlü Ramilə Əsədovanın Füzuli rayonu ərazisində yaşadığı evdə aldığı xəsarətlərdən ölməsi barədə rayon prokurorluğuna məlumat daxil olub.

Füzuli Rayon Prokurorluğundan verilən məlumata görə, aparılan ilkin araşdırmalarla zərərçəkmişin atası 1957-ci il təvəllüdlü Ağarəhim Niftəliyevin şəxsi münasibətlər zəminində aralarında yaranmış münaqişə zamanı Ramilə Əsədovaya çoxsaylı bıçaq xəsarətləri yetirərək qəsdən öldürməsinə əsaslı şübhələr müəyyən edilib.

Faktla bağlı Füzuli Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Ağarəhim Niftəliyev şübhəli şəxs qismində tutularaq istintaqa cəlb edilib. Hazırda cinayət işi üzrə zəruri istintaq tədbirləri davam etdirilir.

09:32

Füzulidə ata evdə qızını qətlə yetirib.

Respublikaxeber.az xəbər verir ki, APA-nın Mil-Muğan bürosunun məlumatına görə, hadisə Qarabağ kəndində qeydə alınıb.

Kəndi sakini Ağarəhim Əsədov ailə münaqişəsi zəminində qızı 1989-cu il təvəllüdlü Ramilə Əsədovanı bıçaqla qətlə yetirilib.

Faktla bağlı Füzuli Rayon Prokurorluğunda cinayət işi açılıb, araşdırma aparılır.