İranda koronavirusdan ölənlərin sayı 9 minə yaxınlaşıb

İranda son sutka ərzində yeni növ koronavirusdan (COVID-19) 113 nəfər vəfat edib.

APA-nın Tehran bürosuna istinadən Respublikaxəbər.az xəbər verir ki, bu barədə İranın Səhiyyə Nazirliyi məlumat yayıb.

Bildirilib ki, İrandan koronavirusdan ölənlərin ümumi sayı 8 950 nəfərə çatıb. Son sutka ərzində koronavirusa 2 449 yoluxma halı qeydə alınıb və indiyə kimi COVID-19-a yoluxanların ümumi sayı 189 876 nəfərə çatıb. İndiyədək xəstəlikdən 150 590 nəfər sağalıb.

Hazırda virus daşıyıcısı olan xəstələrdən 2 765 nəfərin vəziyyəti ağır və ya orta ağırdır.


Sənəm Əliyeva