Ölkə ərazisində bir gündə ikinci zəlzələ oldu

Zaqatalada zəlzələ qeydə alınıb.

Respublikaxeber.az bu barədə Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir.

Zəlzələlərin Tədqiqatı Bürosunun məlumatına əsasən, yeraltı təkanlar yerli vaxtla saat 13:37-də Zaqatala stansiyasından 15 km cənub-qərbdə, Zaqatala rayonunda qeydə alınıb. Zəlzələ 3,1 maqnitudada baş verib, ocağı 21 kilometr dərinlikdə yerləşib.

Zəlzələ bəzi insanlar tərəfindən hiss olunub.

Qeyd edək ki, bu gün yerli vaxtla 00:35-də Lerik rayonunda 3.1 bal gücündə zəlzələ qeydə alınıb.