Futbolçu həyat yoldaşını döyüb bu hala saldı - FOTO

Türkiyəli futbolçu Özer Hurmacı həyat yoldaşı Mihriban Hurmacıya qarşı fiziki zorakılıq tətbiq edib.

Respublikaxeber.az xəbər verir ki, bu barədə Mihriban Hurmacı sosial şəbəkədə məlumat verib.

Zərərçəkən bildirib ki, Özer Hurmacı ötən ay ondan boşanmaq istəyən həyat yoldaşını uşaqlarının gözü önündə döyüb.

Mihriban üzü qan içində olan görüntülərini yayımlayaraq ərinin ona qarşı şiddət tətbiq etdiyini bildirib.

O, əvvəl ərinin telefonunda başqa qadınlara aid foto və videolar görüb. Bundan sonra cütlük arasında mübahisə başlayıb. Özer Mihribanı sürüyərək zorla otağa çəkib və orada onu döyməyə başlayıb. Başını evin pəncərələrinə vurub.

Mihriban başına gələnləri sosial şəbəkə hesabında açıqladıqdan sonra futbolçu əri həbs olunub.

Qeyd edək ki, cütlük 6 ildir evlidir, onların 3 övladı var./Fanat.Az