“Facebook” koronavirusla bağlı yalan məlumat yayan 18 milyon statusu silib

“Facebook” şirkəti koronavirusla bağlı yalan məlumatlar yayan 18 milyon statusu silib.

Respublikaxeber.az TASS-a istinadən xəbər verir ki, bu barədə sosial şəbəkənin qurucusu Mark Zukerberq CBS telekanalına müsahibəsində bildirib.

Sahibkar statuslar silinməmişdən əvvəl bu qeydləri görən istifadəçilərin sayını açıqlamayıb.

M.Zukerberq əlavə edib ki, yalan məlumatlar yaymaq şirkətin siyasətinə ziddir: “Platformamızda təhlükəli, yanlış məlumat görsək, onu silirik. Bununla belə yenə də "səhv” etməyə səy göstərənlər olur”.