Bakıda itkin düşərək tapılan kursant hərbi akademiyadan XARİC OLUNDU

İtkin düşdükdən üç gün sonra hərbi polis tərəfindən tapılan Heydər Əliyev adına Hərbi Akademiyanın kursantının akademiyadan xaric olunmasına qərar verilib.

Respublikaxeber.az-ın əldə etdiyi xəbərə görə, bununla bağlı akademiyanın hərbi şurasının iclası keçirilib.

Qəbul edilmiş qərara əsasən Hüseynli Vüsal Elşən oğlu əsaslı səbəb olmadan təyin olunan vaxtda hərbi təhsil müəssisəsinə qayıtmadığına görə məktəbdən qovulacaq.

Qeyd edək ki, 2000-ci il təvəllüdlü Hüseynli Vüsal Elşən oğlu fevralın 13-ü akademiyaya getmək üçün yaşadığı Sumqayıtdan Bakıya yola düşüb. Bundan sonra ondan xəbər olmayıb.

Aparılan axtarış tədbirləri nəticəsində Vüsal Hüseynli üç gün sonra hərbi polis tərəfindən tapılıb.