Bakı metrosunda həyəcan: Oğlan qatar yoluna yıxılıb

Bakı metrosunda gənc oğlan müvazinətini itirərək qatar yoluna düşüb.

"Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov açıqlamasında bildirib ki, hadisə bu gün saat 19:06 radələrində Ulduz stansiyasında baş verib.

Həmin vaxt xətt üzrə "Dərnəgül"-"Həzi Aslanov" istiqamətində hərəkət edən qatar stansiyaya daxil olub. Dərhal qatar dayandırılıb və sərnişin - 22 yaşlı Şahlar Həsənov qatar yolundan çıxarılaraq təcili tibbi yardım stansiyasına təhvil verilib.

Respublikaxeber.az