Bakıda hündürmərtəbəli binada yanğın baş verib - FOTO

Bakının Nərimanov rayonunda hündürmərtəbəli binada yanğın qeydə alınıb.

Respublikaxeber.az APA-ya istinadən xəbər verir ki, Əliyar Əliyev 8 ünvanında yerləşən 20 mərtəbəli binanın 19-cu mərtəbəsində yerləşən iki otaqlı mənzildə yanğın başlayıb.

Qeyd edək ki, Fövqəladə Hallar Nazirliyinin əməkdaşları tərəfindən APA-ya bildirilib ki, yanğınsöndürən texnikaların küçəyə daxil olması çətin olub. Səbəb bina sakinlərinin avtomobilləri həyətyanı ərazidə düzgün park etməməsi olub.

Buna görə də əraziyə Nərimanov Rayon Polis İdarəsinin əməkdaşları cəlb edilib.