Azərbaycanda dəhşətli hadisədə ölən gənc qardaşlar yanaşı dəfn edildi - YENİLƏNDİ

Şamaxı şəhərində dəhşətli qəzada vəfat edən 2 qardaşla bağlı bəzi məqamlar üzə çıxıb.

Publika.az-a istinadən Respublikaxeber.az xəbər verir ki, Şamaxı şəhərində "Shacman" markalı yük avtomobilinə çırpılan "Niva"da ölən 1989-cu il təvəllüdlü İsmayılov Rasim Vahid oğlu və qardaşı 1987-ci il təvəllüdlü İsmayılov Ramil fermer təsərrüfatını idarə edirmiş. Onlar iyunun 1-də yaşadıqları evə gedərkən, məhəlləyə dönərkən maşının yük avtomobilinin altında qalması nəticəsində vəfat ediblər.

Hər iki şəxs dünən doğulduqları Şamaxının Quşçu kənd qəbiristanlığında yanaşı dəfn ediliblər.

Qeyd edək ki, vəfat edən qardaşların ikisi də ailəli olub.

Faktla bağlı cinayət işi açılıb, araşdırmalar davam etdirilir.

*****

2 iyun

Dünən Şamaxı şəhərində baş vermiş dəhşətli yol qəzasının görüntüləri yayılıb.

Publika.az xəbər verir ki, hadisə ilə bağlı aparılan ilkin araşdırmalar zamanı Bakı-Şamaxı yolunun 110-cu kilometrliyində "Niva" markalı minik avtomobilinun "Shacman" markalı yük avtomobilinə çırpılması hadisəsinin minik maşınının qəfil dönmə hərəkətinin etməsinin səbə olduğu müəyyənləşib.

Hadisə nəticəsində "Niva"da olan Şamaxının Quşçu kənd sakinləri, 1989-cu il təvəllüdlü İsmayılov Rasim Vahid oğlu və qardaşı 1987-ci il təvəllüdlü İsmayılov Ramil aldığı ağır xəsarətləri səbəbindən hadisə yerində dünyasını dəyişib.

Faktla bağlı Daxili İşlər Nazirliyinin Baş İstintaq-Təhqitat İdarəsində cinayət işi açılıb, araşdırma aparılır.

İki qardaşın qəza nəticəsində öldüyü "Niva"nın fotolarını təqdim edirik.