Göyçayda güclü burulğan: ağac aşdı, yol bağlandı - FOTO

Güclü külək nəticəsində gecə saatlarında qovaq ağacı qırılaraq Göyçay-Ucar avtomagistralının 2-ci kilometrliyinə aşıb.

oxu.az-a istinadən Respublikaxeber.az xəbər verir ki, ağac yolun əsas hissəsinə düşüb və gövdəsi iri olduğundan təxminən bir saat nəqliyyatın hərəkətinə mane olub.

Hadisə yerinə DYP əməkdaşları cəlb edilib. Ağacın yoldan götürülməsi şinə rayon ərazisində yanğın hadisəsindən qayıdan FHN əməkdaşları kömək ediblər. Ağacın iri budaqları və gövdəsi kəsilərək ərazidən çıxarılıb.

Əraziyə yaxın olan Potu kənd nümayəndəliyindən bildirilib ki, həmin vaxtlarda rayonda təxminən yarım saat ərzində güclü küləklə müşahidə olunan burulğan baş verib.

Ağac bu səbəbdən aşıb. Heç bir tələfat qeydə alınmayıb.