Xaçmaz sakini arvadını bıçaqlayıb

RESPUBLİKAXƏBƏR.AZ- xəbər verir ki, Yanvarın 6-sı Xaçmaz rayonunun Hacılar kəndi ərazisində 1991-ci il təvəllüdlü Aynur Əhmədovanın xəsarət alması barədə rayon prokurorluğuna məlumat daxil olub.

Xaçmaz rayon prokurorluğundan RESPUBLİKAXƏBƏR.AZ-a verilən məlumata görə, aparılmış araşdırma zamanı zərərçəkmişin əri, 1988-ci il təvəllüdlü Allahverdi Mustafayevin şəxsi münasibətlər zəminində aralarında yaranmış mübahisə zamanı Aynur Əhmədovaya bıçaqla çoxsaylı xəsarətlər yetirərək onu qəsdən öldürməyə cəhd etməsinə əsaslı şübhələr müəyyən edilib.

Faktla bağlı Xaçmaz rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanmış, Allahverdi Mustafayev şübhəli şəxs qismində tutularaq istintaqa cəlb edilib.

Hazırda iş üzrə ibtidai istintaq davam etdirilir.

RESPUBLİKAXƏBƏR.AZ