Bakıda sürücülər arasında dava olub, hərbçi döyülüb

Bakının Nəsimi rayonunda dava olub, bir nəfər ağır xəsarət alıb.

Respublikaxəbər.az xəbər verir ki, hadisə Azadlıq prospektində qeydə alınıb.

Belə ki, Koala Parkının qarşısında sürücülər bir-birinə yol vermədiklərinə görə mübahisə düşüb. Mübahisə daha sonra davaya çevrilib.

Nəticədə 1988-ci il təvəllüdlü Əbilov Vurğun İdris oğlu küt alətlə döyülüb.

O, xəstəxananın neyrocərrahiyə şöbəsinə yerləşdirilib.

Onun yaxınları bildirib ki, V.Əbilov Dövlət Sərhəd Xidmətinin Sərhəd Qoşunlarının mayorudur və "Cəsur döyüşçü" medalı ilə təltif edilib.

Faktla bağlı Nəsimi Rayon Polis İdarəsində araşdırma aparılır.

Respublikaxəbər.az