ŞƏKİNİN BAŞ GÖYNÜK KƏNDİNDƏ XƏSARƏTLƏ NƏTİCƏLƏNƏN YOL QƏZASI BAŞ VERİB

Respublikaxəbər.az xəbər verir ki, Şəkinin Baş Göynük kəndində xəsarətlə nəticələnən yol qəzası baş verib.

Respublikaxəbər.az-ın əldə etdiyi məlumata görə kənd sakini İzzət Həsənovun idarə etdiyi "Chevrolet Niva" markalı avtomobil, texniki nasazlıq səbəbindən idarəetmədən çıxaraq,əvvəlcə yol kənarındakı qaz borusuna, sonra isə divara çırpılıb. Hadisə nəticəsində qaz xətti zədələnib. Avtomobildə olan sərnişin sürücünün həyat yoldaşı, 31 yaşlı Aynurə Həsənova, müxtəlif dərəcəli bədən xəsarətləri alıb. Yaralıya ilkin tibbi yardım göstərildikdən sonra Şəki rayon mərkəzi xəstəxanasına yerləşdirilib. vəziyyəti orta ağır qiymətləndirilib. Qeyd edək ki, qaz xəttinin zədələnməsi nəticəsində ətraf ərazidəki evlərə təbii qazın verilməsi dayandırılıb. Hazırda qaz xəttinin bərpası istiqamətində işlər görülür. Faktla bağlı araşdırma aparılır.











Respublikaxəbər.az