Göyçayda baş redaktor ailəsi ilə birgə qəzaya düşüb, polis araşdırma aparır - FOTO

Göyçayda yük və minik avtomobillərinin toqquşması zamanı xəsarət alanların kimliyi məlum olub.

RESPUBLİKAXƏBƏR.AZ xəbər verir ki, qəza nəticəsində minik avtomobilində olan “Göyçay” qəzetinin baş redaktoru Abdulla Əliyev və ailə üzvləri xəsarət alıblar.

Yaralılar Rayon Mərkəzi Xəstəxanasına yerləşdiriliblər.

Həkimlərin ilkin rəyinə əsasən, Abdulla Əliyevin vəziyyəti ağırdır.

DİN-in Mətbuat Xidmətinin Şəki regional qrupunun baş inspektoru, polis kapitanı Mahir Məsimov RESPUBLİKAXƏBƏR.AZ-ın sorğusuna cavab olaraq bildirib ki, yol-nəqliyyat hadisəsi Bakı-Şamaxı-Yevlax yolunun 209-cu kilometrliyində, Göyçay rayonunun Bığır kəndi ərazisindən keçən hissəsində qeydə alınıb.

Faktla bağlı Baş İstintaq və Təhqiqat İdarəsi tərəfindən araşdırma aparılır.

Redaksiya heyyətimizin rəhbəri Elyaz Yazan, Gülüyev başda olmaqla, bütün redaksiya heyyətimiz adından həmkarımıza və onun ailəsinə uca Allahdan şəfalar diləyirik.



RESPUBLİKAXƏBƏR.AZ