Bakıda gənc oğlanın ürəyindən bıçaqlanması ilə bağlı hadisənin təfərrüatı bəlli olub - YENİLƏNİB

Bakıda bıçaqlanan gənc oğlanın kimliyi məlum olub.

Respublikaxəbər.az xəbər verir ki, ürəyindən bıçaqlanan Muradov Niyammədin Dərşad oğlu parkda qətlə yetirilib.

O, naməlum kişini qadının əlindən telefon alaraq onu döyməsinin şahidi olub.

N. Muradov dərhal həmin kişinin bu əməlinin qarşısını almaq üçün qadını müdafiə etməyə çalışıb.

Naməlum kişi bıçaqla N.Muradovun ürəyinə zərbə endirib.

Xatırladaq ki, Niyammədin Muradov 44 günlük Vətən müharibəsi iştirakçısıdır. o, “Qubadlının azad olunmasına” görə medalı ilə təltif edilib.

Yenilənmə.

Bakının Nəsimi rayonunda qanlı hadisə baş verib.

Respublikaxəbər.az xəbər verir ki, hadisə “Kubinka” ərazisində qeydə alınıb.

Belə ki, 1998-ci il təvəllüdlü Niyamməddin Ağayev naməlum şəxs tərəfindən ürəyindən bıçaqlanıb.

O, elə hadisə yerində dünyasını dəyişib.

Faktla bağlı Nəsimi Rayon Polis İdarəsi və Prokurorluğunun əməkdaşları tərəfindən araşdırma aparılır.

Respublikaxəbər.az