Azərbaycanlı jurnalist Rusiyada təyyarə qəzasında öldü - FOTO

Rusiyanın Leninqrad vilayətinin Volxovsk rayonunda yüngülmühərrikli təyyarə qəzaya düşüb.

Respublikaxeber.az Rusiya mətbuatına istinadən xəbər verir ki, hadisə martın 8-də Potanino kəndi yaxınlığında baş verib.

İki nəfər həyatını itirib. Onlardan biri 40 yaşlı Azərbaycan vətəndaşı Müşfiq İbrahimovdur. Digərinin şəxsiyyəti müəyyənləşdirilməyib.

Respublikaxeber.az APA-ya istinadən xəbər verir ki, M. İbrahimov əvvəllər regional kanallarda müxtəlif vəzifələrdə çalışıb. O, əslən Quba rayonundandır. Ailəlidir, 3 övladı var.