Klinikadan hospitalda baş verən ölüm hadisəsi ilə bağlı AÇIQLAMA - YENİLƏNİB

Respublikaxeber.az xəbər verir ki, “Modern” hospitalı tibb müəssisəsində baş verən ölüm hadisəsi ilə bağlı yayılan məlumatlara münasibət bildirib.

Klinikadan Oxu.Az-a bildirib ki, Həsən Həsənov xəstəxanaya daxil olan zaman artıq vəfat edibmiş:

“Pasiyent klinikaya daxil olanda artıq keçinmişdi. Sadəcə olaraq yaxınları bundan məlumatlı olmayıb. Tibbi olaraq həmin şəxs müayinə olunub və ölüm faktı təsdiqlənərək yaxınlarına bildirilib”.

14:52

Bakıda klinikaların birində ölüm hadisəsi baş verib.

Oxu.Az-ın əldə etdiyi məlumata görə, hadisə Nizami rayonunda yerləşən “Modern” hospitalda qeydə alınıb.

Belə ki, şəkər və ürək xəstəliklərindən əziyyət çəkən 73 yaşlı Həsən Həsənov yoxlanış məqsədiylə aparıldığı klinikada ölüb.

Faktla bağlı Nizami Rayon Prokurorluğunda araşdırma aparılır.