Biçilməmiş taxıl sahəsi yandı

Bu gün Çəkinin Kosalı kəndi yaxınlığında, Zəyzid kənd sakinlərinə məxsus taxıl sahələrində yanğın baş verib.

APA-nın şimal-qərb bürosuna istinadən Respublikaxeber.az xəbər verir ki, hadisə yerinə Fövqaladə Hallar Nazirliyinin (FHN) Şəki rayon Dövlət Yanğından Mühafizə Hissəsinin texnikaları və şəxsi heyətləri cəlb edilib.

Taxıl sahələrində baş verən yanğın dərhal məhdudlaşdırılıb. Yanğın nəticəsində bir hektar biçilməmiş, yarım hektar isə biçilmiş taxıl sahəsi yanıb. Yanğın zamanı xəsarət alan olmayıb.

Faktla bağlı araşdırma aparılır.


Sənəm Əliyeva