Xaçmazda minik avtomobili yük maşını ilə toqquşdu: xəsarət alanlar var

Bu gün səhər saatlarında Xaçmaz rayonu ərazisində yol-nəqliyyat hadisəsi baş verib. APA -nın şimal bürosuna istinadən Respublikaxeber.az xəbər verir ki, qəza Gəndob-Yalama yolunun Xaçmaz ərazisindən keçən hissəsində qeydə alınıb.

“Qazel” markalı yük maşını ilə “Daewoo” markalı avtomobilin toqquşması nəticəsində 5 nəfər müxtəlif dərəcəli bədən xəsarətləri ilə Xaçmaz Mərkəzi Rayon Xəstəxanasına gətirilib. Xəsarətləri yüngül olduğundan onlar ilkin tibbi yardımdan sonra evə buraxılıb.

Faktla bağlı araşdırmalar davam etdirilir.


Əliyeva Sənəm